Equipo de Normalización Lingüística do IES Nº 1

Celebramos no Nº 1 o Día da Paz.
Aquí vos deixamos algunhas fotos do alumnado que estivo colaborando xunto co profesorado de Tecnoloxía..

O Conservatorio Municipal de Riveira dá cabida a unhas xornadas formativas de Aproximación á Cultura Galega que, con frecuencia semanal, están dirixidas ás persoas inmigrantes adultas do noso contorno que desexen realizar unha aproximación á realidade da nosa Comunidade, desde o punto de vista do seu territorio, lingua, administración, patrimonio cultural, etc…

Esta acción é posible grazas á colaboración entre o IES Número 1 de Riveira (departamento de Ensino de Adultos, oferta de Aprendizaxe de Lingua Estranxeira) e o Concello de Riveira (a través da Concellería de Educación e do Servizo de Normalización Lingüística). As sesións impártense nunha aula do Conservatorio Municipal todos os mércores en horario de 10.40 a 11.30 horas.

Para calquera dúbida ou consulta, poden poñerse en contacto co Servizo de Normalización Lingüística de Riveira a través do número de teléfono 981835417, ext. 232 ou por correo electrónico normalizacion@riveira.com.

Curso: VIVIMOS EN GALICIA. Curso de aproximación á cultura galega.

Alumnado: Persoas maiores de 16 anos, inmigrantes.

Lugar: Conservatorio Municipal de Riveira

R/ Miguel Rodríguez Bautista, nº 2.

Horario: Todos os mércores.

10.40 h a 11.30 h.

Inscrición e

información: Servizo de Normalización Lingüística

Concello de Riveira

Tel.: 981835417, ext. 232

normalizacion@riveira.com

Aqui vos deixamos dous documentos da CGENDL para que lles botedes unha ollada:

PREME: Análise borrador decreto CGENDL

PREMe: Propostas CGENDL bases para o decreto do plurilingüismo

Aquí vos deixamos o texto en PDF da declaración da Real Academia Galega sobre as Bases do Novo Decreto de Plurilingüimo.

PREME PARA VER O ARQUIVO EN PDF:

Analise Bases RAG_16_01_2010

A TODAS AS NAIS E PAIS:

Aquí vos deixamos o tríptico que elaborou a Coordinadora Galega de Equipos de Normalización e Dinamización Lingüística e que imos entregar a todo o alumnado para que o acheguen ás súas casas e informar ás familias dos beneficios e necesidade de empregar a nosa lingua nos centros.

É unha resposta informativa perante a enquisa que a Consellería de Educación vai enviar ás familias a través dos centros e que, supoñemos, vai ser o comezo dun retroceso na utilización dos centros de ensino como un dos poucos espazos que atopa a nosa lingua para achegarse á xuventude. Xa veremos en que acaba todo isto.

Preme a continuación para ver o tríptico en PDF:

as-linguas-suman-triptico-informativo-cgendl1

O ENL colabora co Equipo da Biblioteca na organización desta I Mostra de Relatos de Medo, que parte da celebración este ano do 200 aniversario do nacemento do narrador Edgar Allan Poe.

O alumnado anda a preparar a escenificación de varios relatos de medo de Poe, Dieste e Xabier Docampo. A participación é moi elevada. Despois da elección da mellor posta en escena dos relatos en cada clase, pasaremos á fase final, onde un xurado elixirá o grupo gañador.

Xa estamos metidos de cheo na V Semana das Letras. Hai actividades para todo o alumnado. Aquí vos deixo o cartel e o programa.

A disfrutar!

Luis Caruncho e Pinto de Herbón estiveron no noso centro para darnos un obradoiro de regueifas.

Xuntámonos os 2º da ESO nunha aula, un pouco apertados, iso si, pero pasámolo ben e fóisenos o tempo voando. Nin nos enteramos cando soou o timbre do recreo. Primeiro aprendemos que era iso da regueifa, que, a verdade, non nos soaba moito o tema; estivemos practicando cuartetas e máis cuartetas e, por fin, fixemos as nosas propias regueifas. E todo acomapañado polo fermoso son da zanfona. Unha mañá inesquecible. O curso que vén voltarán, seguro!

Coma todos os anos, o ENL pretende felicitar o Nadal a todas as familias do IES Nº 1 e, ao mesmo tempo, animalas a transmitiren e usaren a nosa lingua. O ano pasado saíunos unha postal ben bonita, cun precioso texto de Sechu Sende.

Este ano non queremos facelo aínda mellor. Así que solicitamos a colaboración de todos e todas. Mandádenos ideas, lemas, debuxos, frases… Podedes facelo mediante un comentario a esta anotación ou poñéndovos en contacto con calquera membro do ENL ou do Departamento de Lingua.

Non estaría de máis ao comezar de novo, reflexionar sobre as “voltas” que lle andan a dar algúns ao proceso normalizador da nosa lingua. E escollemos unhas cantas citas tiradas do libro de Jesús Tusón “Mal de linguas” que nos parecen axeitadas para que as comentedes.

“[...] As linguas humanas son obxectos delicados e, se non os defendemos e coidamos, poden morrer, e morrer canda eles unha parte substancial da nosa memoria; se cadra toda a nosa memoria. É preciso ter coidado, porque as linguas non teñen puños, nin esconden no fondo das súas estructuras armas secretas e mortíferas. Son totalmente inocentes, e ignórano todo sobre a agresión e as preeminencias. As linguas descoñecen os conflitos porque non teñen intelixencia nin teñen vontade. Hai, porén, quen ten vontade e ten poder, e fai das linguas bandeira; e hai quen o cre e cae na trampa da agresión, caendo tamén, sen sabelo, na trampa dunha mala educación multisecular que nos quere fieis a esquemas preconcebidos. E velaí que o mundo dos humanos está cheo de prexuízos.”

“[...] Pagaría a pena dar, xa dende agora, un aviso inocente: cómpre que non carguemos enriba das costas da lingua as nosas manías persecutorias; cómpre que non as fagamos facer un traballo para o que nunca estiveron dotadas. Unha bandeira é unha bandeira; unha lingua, non”

“[...] O que non se pode facer (porque non é ético) é valorar as linguas de máis a menos por causa do número dos seus falantes: unha lingua é o patrimonio dun pobo, é parte dos seus sinais de identidade. E, en cuestións de identidade, as estatísticas non teñen nada que dicir, nada que ver.”

“[...] Agora o mundo é un espazo aberto e non hai lugar para trapalladas, e é por iso que os novos argumentos para cantar as excelencias das linguas nos queren convencer polo lado práctico: algúns idiomas serán (e outros non) internacionais, de comunicación e de progreso.”